Iselin Kvernevik
har vakse opp på Sandane, og bur for tida i Oslo der ho jobbar som utøvande dansar og dansepedagog. Etter vidaregåande gjekk ho eit år på «Dans Forstudium» ved Trøndertun folkehøgskole (2014), før ho utdanna seg som dansar og dansepedagog ved Norges Dansehøyskole (2017). Våren 2017 vart Iselin utvald av leiinga på skulen til å få reise på utveksling til Paris, og var der som dansestudent i 3 månadar. Frå å fullføre ei bachelorgrad i dans med pedagogikk gjekk ho rett vidare til Kunsthøgskulen i Oslo for å ta Praktisk Pedagogisk Utdanning i dans (2018). Denne våren fullførar ho mastergrad i «Dance Studies» som ho tek ved Norges teknisknaturvitenskapelige universitet (NTNU). Ho fullførar òg eit studie i praksisveiledning i lærarutdanningar - dans, i regi av Norges Musikkhøgskole (NMH) og Kunsthøgskolen i Oslo (KHiO).
-
For tida jobbar ho som dansepedagog ved Kristine Glennes Ballettskole (KGB dans
og ballett) i Asker og Sandvika og på West End Danse- og Musikalskole i Oslo. Her underviser
ho hovudsakleg i jazzdans og musikaldans, men har tidlegare undervist i ballett og moderne i
tillegg. Danseskular ho også har jobba ved dei siste åra er blant anna Asker Dans og
ballettskole (no Asker Kulturskole), Studio 3 i Kongsberg, Studio Nille i Larvik, St.Hallvard vgs.
og Dans1 i Oslo og omegn.
Iselin har haldt seg oppdatert gjennom ulike kurs som «Progressing Ballet Technique» (2018) og Lisa Howells «Level 1 dance teacher and therapist training» som fann stad på den Norske Opera og Ballett (2019), samt «Extraordinary light design class» i Bærum kulturhus (2021). - Iselin jobbar også som utøvande dansar og er medlem av showgruppa Show De Vida. Ho har gjesta TV på for eksempel God Morgon Norge (tv2) og på Stjernekamp (nrk1). Seinast i juni 2021 var ho dansar i forestillinga «Fuego» som vart satt opp på H3 arena med kompaniet. Med same gruppa var ho også med på to ulike forestillingsperiodar på Edderkoppen scene i 2019. Der fekk dei treningkast 6 frå nettavisen . Iselin har saman med Show de vida opptredd på ei rekke arrangement rundt om i landet, og har også opptredd i Oslo Spektrum med Åge Sten Nilsens «The Show Must Go On» (2019). I 2015 dansa ho ved Wonder World Amusement Park Auditorium i Uganda.
Solveig Marie Husevåg Jølstad
er ein frilans dansar og dansepedagog frå Sandane, busett i Oslo. Ho har si utdanning frå Norges Dansehøyskole med ein bachelorgrad i dans med pedagogikk (2017), samt ein «Master of Arts in Dance Studies» frå Norges teknisk-naturvitenskapelige universitet (2021). I 2019 hadde gjennomførte Solveig eit treningsopphold på to månader i Los Angeles der ho dansa ved Millennium Dance Complex, Edge Performing Arts Center og TMilly TV i Hollywood. Solveig er i dag tilsett ved danselinja på Create vgs, og tek praktisk-pedagogisk utdanning gjennom Høgskulen på Vestlandet.
- Dansepedagogen har lang erfaring med å arbeide med barn og ungdom, som til dømes gjennom Terpsi dansestudio, Bajazz dansestudio, Lillehammer Dansesenter, Create vgs, og Kirkeparken vgs. Ho har vore koreograf og gjort ei rekke prosjekt for og med Oslo Soul Children og Oslo Soul Teens.
- Som frilans dansar har ho opptredd på mellom anna THE SHOW i Oslo og ved Wonder World Amusement Park Auditorium i Uganda, samt vore oppvarmingsdansar for Madcon og Big bang på Førdefestivalen. Solveig har dansa verka og koreografiane til ei rekke dyktige koreografar, som til dømes Rob Rich, Bill Hastings, Jo Strømgren, Miguel Antonio, Candace Brown, Robyn Laud, Kristine Melby, Andreas Bjørneboe, David Byer og Jeffrey Carter.